„Litla“ Íþróttahátíðin
Íþróttahátíð nemenda á miðstigi Grunnskóla Bolungarvíkur fór fram síðastliðinn föstudag.
Nemendur á miðstigi skólans öttu kappi í „litlu“ Íþróttahátíðinni. Þar kepptu þau í blönduðum liðum úr 5., 6. og 7. bekk grunnskólans og fengu liðsnöfnin Gulur, Rauður, Blár og einkenndu sig með sínum lit.
Nemendur kepptu í hönnun, skák, spurningarkeppni, fótbolta, körfubolta og sundi. Þetta var spennandi nýjung sem fór vel í nemendur og svo fór að Gulir höfðu yfirhöndina eftir daginn.
