Almennar upplýsingar
Í dag hitti skólahjúkrunarfræðingur nemendur í öllum bekkjum og ræddi um mikilvægi hreinlætis
og nemendur æfðu handþvott. Umræðan barst að kórónaveirunni og höfðu mörg börn
spurningar, vangaveltur og einhverjir áhyggjur. Mikilvægt er að börnin fái
fræðslu sem hæfir aldri þeirra og þekkingu og einnig mikilvægt að þau fái að
viðra áhyggjur sínar sem oft eru óþarfar, s.s. börnin búin að mikla aðstæður
fyrir sér og eru hrædd um sjálfan sig, ömmu, mömmu, pabba o.s.frv. og eru með
rangar upplýsingar um málin.
Lögð var áhersla á að handþvottur væri aðalmálið í vörn gegn sýkingum almennt og
að hósta og hnerra í klút/bréf eða olnbogabót. Mikilvægt er að
halda sig heima ef fólk finnur fyrir flensueinkennum.
Flestum nemendum voru sýndar myndir af brauði sem búið að nudda við hendur og fá að
gerjast og brá þeim mörgum að sjá hversu miklu
máli handþvotturinn skiptir.
Í skólanum hafa verið settir upp brúsar með sótthreinsi á göngum, matsal og salernum. Nemendur skammta sér ekki lengur sjálfir í matsal til að koma í veg fyrir óþarfa snertingu. Hér er áhugaverður linkur að Krakkarúv, þar sem Alma Möller landlæknir ræðir um kórónuveiruna : https://www.ruv.is/frett/krakkafrettir-utskyra-covid-19