Skólahjúkrun

Heilsuvernd skólabarna er á vegum Heilsugæslu Heilbrigðisstofnunar Vestfjarða. Skólahjúkrunarfræðingur er Guðrún Kristín Bjarnadóttir.

Viðverutími skólahjúkrunarfræðings verður mánudaga kl. 8:30-12:30.

Netfang skólahjúkrunarfræðings er: skolahjukrun@bolungarvik.is og gudrun.bjarnadottir@hvest.is

Heilsuvernd grunnskólabarna er hluti af þjónustu heilsugæslunnar og framhald af ung- og smábarnavernd. Unnið er samkvæmt leiðbeiningum Þróunarmiðstöðvar íslenskrar heilsugæslu.

Markmið: Að efla heilbrigði nemenda og stuðla að vellíðan.

Áherslur: Forvarnir, fræðsla , skimanir og bólusetningar .

Unnið er í náinni samvinnu við forsjáraðila nemanda, skólastjórnendur, kennara og aðra sem koma að málefnum nemenda með velferð þeirra að leiðarljósi.

Hagnýtar upplýsingar

Veikindi og slys

Ef óhapp eða slys verður á skólatíma sér starfsfólk skólans um fyrstu hjálp. Þurfi nemandi að fara á heilsugæsluna eða slysadeild skulu foreldrar fara með barninu. Því er mikilvægt að skólinn hafi öll símanúmer þar sem hægt er að ná í þá á skólatíma barnsins. Ekki er ætlast til að óhöppum sem gerast utan skólatíma sé sinnt af heilsuvernd skólabarna.

Langveik börn

Mikilvægt er að skólahjúkrunarfræðingur viti af börnum sem eru með fötlun eða langvinnan og/eða alvarlegan sjúkdóm, s.s. sykursýki, ofnæmi, flogaveiki, blæðingarsjúkdóma eða aðra alvarlega sjúkdóma. Hlutverk skólahjúkrunarfræðingsins er að skapa þessum börnum viðeigandi aðstæður og umönnun í skólanum í samvinnu við foreldra og starfsfólk skólans.

Lyfjagjafir - Samkvæmt tilmælum landlæknis um lyfjagjafir í grunnskólum eru sérstakar vinnureglur varðandi lyfjagjafir til nemenda á skólatíma. Dreifibréf Nr. 7/2010. Lyfjagjafir í grunnskólum (landlaeknir.is)

Höfuðlús

Höfuðlús birtist reglulega í skólum landsins og er mikilvægt að foreldrar kembi hár barna sinna reglulega yfir skólaárið. Rétt er að láta skólann vita ef lús finnst í hári barns og skólahjúkrunarfræðingur getur leiðbeint varðandi lúsasmit. Höfuðlús | Heilsuvera

Uppfært í ágúst 2026