„Derringur“
Vinnustofan “Derringur” er fyrir börn á miðstigi sem verður haldin utan skóla í íþróttahúsinu á Ísafirði. Það er 2 klst á dag frá mánudegi til föstudags frá kl 14-16. Námskeiðið endar svo á lokasýningu sem aðstandendum er boðið á. Þetta námskeið er utanskóla og val og það er því á ábyrgð foreldra að koma börnum þangað.
Langar þig til að kynnast heimi sviðslista í gegnum dans og tónlist? Þá er
þetta tækifæri sem þú ættir ekki að láta fram hjá þér fara.
Derringur er lifandi og skapandi dansvinnustofa þar sem leikgleðin er við
völd. Lagt verður af stað í dansferðalag með dönsurunum Snædísi Lilju
Ingadóttur og Valgerði Rúnarsdóttur. Þátttakendur ferðast um árstíðirnar og
skapa sýningu í gegnum leiki og lifandi myndir. Hvernig dönsum við sumar,
sól, rigningu, rok, landslag í rjómablíðu, farfugla og þar fram eftir götunum?
Hvernig hreyfir náttúran sig og hvernig hreyfir hún við okkur?
Tónlistarmaðurinn Sveinbjörn Thorarensen (Hermigervill) mun skapa
hljóðheim með hópnum sem innblásinn verður af árstíðunum fjórum eftir
Antonio Vivaldi. Í lok námskeiðs verður haldin sýning þar sem
aðstandendum er boðið að koma.
Aldur: 9-12 ára
Staður: Stóra Íþróttahúsið Ísafirði
Ekkert þátttökugjald!
Skráning á netfangið: derringur2020@gmail.com