Endurskinspokar að gjöf

15.9.2025

Það má segja að sé orðið að hefð að Kvennadeild slysavarnarfélagsins Landsbjargar í Bolungarvík færi nemendum 1. bekkjar skólans endurskinspoka að gjöf. 

Félagið vonast til þess að gangandi börn verði sýnilegri í umferðinni á leið sinni til og frá skóla og tómstundum. Pokar sem þessir koma að góðum notum nú þegar fer að dimma og við förum fyrir eigin orku í skólann líkt og nemendur og starfsfólk skólans eru að gera þessa viku. 

Það voru þær Harpa Rut og Inga Rós sem heimsóttu 1. bekk og færðu nemendunum pokana í upphafi skólaárs.