Fréttir vikunnar
Mánudaginn 21. sóttu starfsmenn Grunnskóla Bolungarvíkur ráðstefnuna Framúrskarandi skólastarf. Erindin voru áhugaverð og fjölbreytt og voru í takt við þær áherslur sem unnið er með í skólanum.
Á þriðjudaginn fengum við heimsókn frá Páli Halldórssyni, en hann kom fyrir hönd Brautarinnar - Bindindisfélag ökumanna með Veltubílinn. Allir nemendur fengu að fara nokkra hringi í bílnum og skemmtu sér vel. Palli ræddi mikilvægi þess að nota bílbelti, líka þegar verið er að skutlast á milli staða hér í Bolungarvík. Við þökkum Páli og veltubílnum fyrir komuna.
7. bekkur tók samræmd próf fimmtudag og föstudag og í næstu viku eru samræmd próf hjá 4. bekk.