Kosningardagur
Í vetur var nemendaþing og margar áhugaverðar hugmyndir komu fram.
Nemendur á unglingastigi lögðu til breytingar á skólabjöllunni, annað hvort yrði fjárfest í nýrri, sem spilaði rólega tónlist þegar tíminn var búinn eða að sleppa bjöllunni alveg.
Í mars gerðum við tilraun með bjöllulausa viku og gekk sú vika mjög vel. Í dag voru kosningar. Nemendur og starfsmenn mættu í sparifötum og kusu um skólabjölluna.
Allir innan skólans höfðu rétt á að kjósa, settir voru upp kosningabásar og merkt var við þá em kusu. Kosið var um bjöllulausan maí, venjulegan maí eða bara hringt inn kl. 08:00. Það voru 134 sem kusu, 16 voru ekki í húsi í dag.
Niðurstöðurnar voru þessar: Bjalla kl. 08:00 60 stig, engin bjalla 47 stig, venjuleg bjalla 27 stig. Við hringjum inn á mánudaginn og svo verðum við að vona að allir fylgist með tímanum.
