Laus störf við Grunnskólann
Grunnskóli Bolungarvíkur óskar eftir starfsmönnum í tvö störf.
Aðstoð í mötuneyti skólans – Matráður II
Upphaf starfs: 15.ágúst 2019
Starfshlutfall: 60 %
Lýsing á starfinu: Almenn vinna í mötuneyti leik- og grunnskóla, aðstoðarmatráður. Í starfinu felst meðal annars undirbúningur, framreiðsla á mat, frágangur og þrif. Starfið felur í sér mikil samskipti við börn og fullorðna. Starfið hentar konum jafnt sem körlum.
Hæfniskröfur: Leitað er að einstaklingi sem hefur til að bera góða færni í mannlegum samskiptum, er með ríka þjónustulund, samstarfsvilja og sveigjanleika. Lögð er áhersla á gagnkvæma virðingu, háttvísi, stundvísi og áreiðanleika í starfi.
Heildagsskólinn / Heilsuskólinn- Umsjónarmaður
Upphaf starfs: 15. ágúst 2019
Starfshlutfall: 60 % (vinnutími frá kl. 12:00-16:30)
Lýsing á starfinu: Umsjón, skipulag og frágangur lengdrar viðveru yngstu skólabarnanna (1.-3. b). Í starfinu felst meðal annars samstarf við íþróttafélög og tónlistarskólann og umsjón með heilsuskólanum.
Hæfniskröfur: Leitað er eftir einstaklingi sem hefur áhuga á að starfa með börnum, hefur gott vald á íslenskri tungu og góða hæfni í mannlegum samskiptum. Einstaklingi sem getur sýnt frumkvæði og leiðtogahæfni og er með hreint sakarvottorð.
Launakjör: Laun og önnur starfsskjör eru samkvæmt kjarasamningi Sambands íslenskra sveitarfélaga við hlutaðeigandi séttarfélag.
Umsóknarfrestur starfanna er til og með 1. ágúst 2019.
Nánari upplýsingar: Halldóra Dagný Sveinbjörnsdóttir skólastjóri Grunnskóla Bolungarvíkur, halldoras@bolungarvik.is eða 6923736.