Skólastarf eftir páska
Á þriðjudaginn hefst kennsla samkvæmt stundaskrá kl. 8.00
Nýju sóttvarnarreglugerðin frá heilbrigðisráðherra kom út um mánaðarmótin. Hún var í takt við það sem ég hafði gert mér vonir um og því þurfum við ekki að gera neinar breytingar á kennslu. Hér má sjá helstu atriði úr reglugerðinni.
- Nemendur eru undanþegnir nálægðartakmörkun og grímuskyldu.
- Hámarksfjöldi starfsmanna er 20 manns í rými og þeir mega fara milli rýma.
- Starfsfólk skal virða 2 metra fjarlægðarreglu sín á milli og gagnvart nemendum en nota grímu ella.
- Viðburðir eru heimilir í skólastarfinu með þátttöku nemenda og starfsfólks en engum utanaðkomandi.
- Hámarksfjöldi nemenda í rými er 50 og blöndun milli hópa innan sama skóla er heimil.
- Í sameiginlegum rýmum skóla, svo sem við innganga, í anddyri, á salerni og göngum, sem og í mötuneytum og skólaakstri, er heimilit að víkja frá fjöldatakmörkun að því gefnu að starfsfólk noti andlitsgrímu.
- Allir sem koma í skólann eiga að vera með andlitsgrímu.
- Ráðstafanir skulu gerðar til að þrífa og sótthreinsa byggingar eftir hvern dag og milli hópa í sama rými.
Ég vona að allir hafi átt ánægjulega páskahátíð
Kv. Halldóra Dagný