Íþróttahátíð 2023
Íþróttahátíð Grunnskóla Bolungarvíkur sem fram fór í gær lauk með sigri Rauða hópsins.
Þátttakendur hátíðarinnar komu frá
Bolungarvíkurkaupstað, Ísafjarðarbæ, Reykhólum, Tálknafirði, Bíldudal og Patreksfirði.
Hluti gestanna gisti í skólanum í nótt og tekur nú þátt í skóladeginum á
unglingastigi.
Frá árinu 2015 hefur keppnin farið þannig fram að nemendur allra skóla skrá sig á þær greinar sem þeir vilja taka þátt í og eftir það er þeim skipt í fjóra litahópa (gulur, rauður, grænn og blár) af íþróttakennara GB svo keppa þau saman sem lið. Með þessu ná nemendur að kynnast innbyrðis og reyna um leið á samstarfshæfni sína.
Keppt var í sundblaki, sundi, bandý, körfubolta, fótbolta, skotbolta/dodgeball, borðtennis, skák og spurningakeppni.
Nemendur og kennarar á unglingastigi skólans hafa veg og vanda að hátíðinni og eiga hrós skilið.
Eftir vel heppnaða hátíð var haldið ball þar sem var dansað, hlegið og haft gaman.
