Skólaferðalag 9. og 10. bekkjar
Skólinn á skapa góðar minningar
Nú eru nemendur í 9. og 10. bekk í fullu fjöri í skólaferðalagi sínu ásamt 3 starfsmönnum skólans. Ferðin hófst í gær, mánudaginn 25. maí, og var þá farið í keilu og litabolta (e. paintball). Þetta er mikil ævintýra- og upplifunarferð þar sem hópurinn leggur suðurland undir sig og fer í fjölbreyttar dagsferðir frá Hvolsvelli, meðal annars til Vestmannaeyja, Þórsmörk og á baðstaðinn Laugarás. Fyrirhugað er að fara dagsferð aðeins austar, alla leið á Vík.
Í dag reynir á hugrekki og þor hópsins þar sem farið verður í sviflínu (e. zipline) í Hveragerði og flúðasiglingu í Hvítá.
Skólaferðalagið er afrakstur fjáraflana síðustu ára en stærstu fjáraflanir nemenda fyrir ferðalaginu eru íþróttahátíð, dagatal og árshátíð. Hefð er orðin fyrir því að nemendur í 9. og 10. bekk fari saman í skólaferðalag annað hvert ár og má segja að þær fjáraflanir sem farið er í eru mjög mikilvægar.
Við þökkum öllum þeim sem lagt hafa okkur lið til þess að gera þessa ferð að veruleika.
Hópurinn heldur af stað